سالي وسعيد 🖤بقلم 🖤محاسن الدرويش

 سالي:

بتعرف ولك سعيد شتهيتك شي مرة تجاملني وتقلي حليانة أو تقلي متغيرة أو تقلي صوتك بجننن وأنتِ بتغني لفيروز بس تجاملني رح أضحك لأنني بعرف مش حلو صوتي.

شتهيت شي مرة تبادر برسالة صباح الخير مو أنا يلي لازم عطول بادر وأحكي معك.

سعيد:

بس أنتِ بتعرفي عطول مشغول وشغلي لفوق راسي ماعندي وقت فكر فيه،عطول نفس العتب ياسالي،بكل مرة بتحكي معي بتكون زعلانة وعتبانة عليّ،حاولي تتغيري وتنسي هي الشغلات البايخة،حليانة،وصوتك حلو،ورسالة صباح الخير كلهن صاروا سخافة بالوقت الحالي.

 

سالي:

سخااافةة!!

أنك تتطمن عنيّ أو تصبح عليّ أو حتى أنك تقلي حليانة وصوتك حلو وأنتِ بتغنيلي صار اسمهن سخافة،وين الحب يلي ببداية قصتنا،وين غزلك وحُبّك لألي وين كلامك عن صوتي 

كلو كان مجرد كلام وبداية حب مزّيف لأتعلق فيك وحبك.

مصدومة فيك يا سعيد معقول كل يلي بحبو بعض هيك متلنا.

سعيد:

بترجع لنكدها ولنفس الكلام،امتى رح تقدري وضعي وتعذريني.

سالي:

ليش أنا ماعذرتك،تذكر  لما بعدت بحجة بدك ترتاح من قصة صارت معك تركتني وحيدة ماتذكرتني رغم هيك أنا بعدني معك بس أنت يلي مش معي. 

أتاري الحب ياسعيد مش بس كلمة بحبّك 

الحُبّ أكبر من هيك،الحب قول وفعل

والحب مجرد ماصار فيه طرف مهمل،طرف مابينتبه لتفاصيلك الصغيرة ،لزعلك،لخوفك،لتوترك

صار مش حب صار مجرد تعبية فراغ أو يمكن صار إدمان طرف من الأطراف ماعاد فينو يتخلى حتى لو مهمل وبيحرح بتصرفاتو ماهو الطرف يلي تعلق كتير رح يتقبلو بكل هي التصرفات ورح يحاول يتجاوزها ويطنشها كرمال يحافظ على حبو بس النهاية معروفة الانفصال.

وأنا مش من هاد النوع يا سعيد يلي بيطنش وبيتجاهل كرمال شخص مهمل  

وبفضل الانفصال وأتوجع فترة على أنك تعاملني بهي الطريقة وتهين مشاعري.

"الشيء الذي لا يُطلب من أحد هو الأهتمام"

#محاسن_الدرويش

 🧚‍♀️