ما تشتكي 🖤بقلم 🖤ثائر العلي

 ما تشتِكي

شو فادِك بْيَوم البِكي

متْل الزّهر

يلّي بيعانق دمْعتو

يا دمْعتِك

متْل البحر

يلّي بِيِزفِر آهِتو

يا آهِتِك

متْل الفجر

وقت الـ يِتاوِب... صحْوتِك

حتّى المَساء اللَّيلَكي

ما أشبهو بي غفْوتِك

ما بينْصفك عمرو الحكي

ما تشتِكي

شو فادِك بْيَوم البِكي

بسّ اضحكي

"لا بتكْبري

وْلا بتصغري

ما بيشبه جْنونِك حدا

فيكي العمر

شمّة عطر

وكتير ماشي عالهدا".

ثائر.