رمضان 🖤بقلم 🖤محمد مفتاح

 رمضان اهو هل هلاله

بعد غياب اشتقناله

هل علينا الشهر بفرحه

زينته ونوره على باب بيتنا

وفطارنا لو ميه وبلحه

فرحان القلب بلمتنا

لقمه هنيه فيه تجمعنا

وترجعلنا ايام فاتت

ذكرى جميله فانوسنا ابوشمعه

اوقات ضحكه وساعات دمعه

لحبايب فارقتنا وماتت

كات بركتنا بسر دعاهم

راحو بعيد وياريتنا معاهم

بنحن لأيامنا الحلوه

وقت المغرب وحوي ياوحوي

لعب الكوره زمان في الشارع

وحبايب وأصحاب مع بعض

حضن الكون كان دايماً واسع

عايشينها بالطول والعرض

نفضل تحت لوقت سحور

ونشوف مين اللي عليه الدور

يعزمنا على كنافه بسكر

نفرح اكتر

لمة عيله

فوازير الف ليله وليله

وحكاوي قهاوي وحكايات

عيشنا العمر أيامه جميله

بس زمانا سرقنا وفات

# ذكريات رمضان

✍️محمد مفتاح