ندهت عليكي 🖤بقلم 🖤محمد مفتاح

 ندهت عليكي

كان صوتي 

بعيد بسكات

كأن البعد بقي موتي

في بعدك عمري عدي وفات

حليلك بعدي ولا جيتي

بقسوه ليه ماحنيتي

صاحبت الصبر في بعادك

وساعه نبضها ميعادك

صبح عقرب ثوانيها

حكايه الليل بيحكيها

ومهما اهرب بحنلها

اشوف صورتك واغنيلها

واقول ليها كما العاده

وحشتي القلب بزياده

بقيت بابعد بحن واعود

موعداني وأنا الموعود

وطال بعدك وماعاودتيش

وشوفت الموت ولسه باعيش

غريب البعد في طباعه

مادام شاري وليه باعه

كمركب غرقه شراعه

اتاري الحلم كان خداع

بيرسم صوره وهميه

مداري وراه كتير اوجاع

بيقسم بيني أنا وهي

ومين شاري ومين بياع

مانيش ندمان ولا هندم

وراضي بقسمتي ده نصيب

وايه ذنبي في يوم أحلم

ماكانش الحلم أبدا عيب

صحيح العمر بيعدي

مافيش حاجز يقوله استوب

قلبي مابأملكه بيدي

علشان اقوله بلاش م الحب

تفاصيل الحلم بقيت بهتانه

بلون غامق

مشاعر فارقه باعدانا

ماهوش فارق

ما دام أنتي اختارتي

نهايته وداع

✍️محمد مفتاح