عود الناي الحزين 💜بقلم 💜 أبو شمس سالم

 #عود_الناي_الحزين

       "شِعر عامية"

ياناي حزين صوتك آنين

صحيت جراح المجروحين

صحيت حنين بيشدني

على ذكريات وجع السنين

تعزف شجن بحروف وجع

على لحن من حب إتمنع

حنان وغاب عن دنيتي

خلاني توهت ف سكتي

بحار على شط الهوى

عايش غريق ف قصتي

من بعدها تايه حزين 

كانت حكايتي وبسمتي

ليه يازمن تعدم برئ

ومني تخطف ضحكتي

أنا العليل ف ليل طويل

سنين وحيد بدون دليل

صوتك ياناي بيهزني

دلّوني فين بس السبيل

كان بينا وعد نكون لبعض

ولو ما بينا الف ميل

حَكم القدر لينا الفراق 

تكون نهايتنا الرحيل

وكل واحد فينا يمشي

وحيد شريد بدون بديل

#بقلمي