مش كنا احباب 🖤بقلم 🖤محمد مفتاح

 مش كنا احباب

ازاي طب قلبك

طوعك غاب

ورميتني في توهة

و١٠٠ سرداب

مع أن البعد

غمام وضباب

ليه بألمح طيفك تحت الباب

وشعاع النور

ك جناح عصفور

في الكون وطليق

طاير في براح

يرجع لو راح

بكفايه جراح

احساسي برئ

وفي لحظه ما خان

ليه في كل مكان

متسجل حاضر وأنت غياب

قلبي ماهوش قادر

البعد ده كافر

ازاي بيفرق في الاحباب

الشعر اهو شاب

والقلب بعشقك لسه شباب

وبيحضن روحك في الشبابيك

ومعاك الضي

شايفك ليه جاي

القلب شاريك ما لقيلك زي

ازاي بتغيب ويهون علي قلبك

انك تطفي في عيني الضي

ماتقولي ازاي

علي قلبك هان

البعد هوان

وانا قلبي مكان

كان حاضن روحك وقت الضيق

كنت أنت رفيق

وصاحبنا طريق

الحلم جرئ

الفرقه بقسوه رافضه يكون

ازاي هيهون

وانا روحي براح

ل لقاك ترتاح

وبتحضن روحك بالتفاصيل

ومصاحب الحضن نجوم الليل

النسمه بتشفي قلب عليل

العشق دليل وماكانش سراب

الذكري بتمحي أي غياب

الحلم اتسرسب

باقي سراب •••••

✍️ (محمد مفتاح)